Jürgen Klopp ရဲ့ Germany နည်းပြဘဝ ပထမဆုံး လက်ရွေးစင်ပွဲစဉ်ကာလက ပြီးဆုံးသွားချိန်မှာ အသင်းရဲ့ပုံစံဟာ အရင်ကထက် တိုးတက်လာပေမယ့် မျှော်လင့်ထားသလောက်တော့ မဖြစ်သေးပါဘူး။
Klopp လက်ထက် ပထမဆုံး ၄ ပွဲမှာ Germany က Netherlands နဲ့ သရေကျခဲ့ပြီး Greece ကို အိမ်ကွင်းမှာ ရှုံးနိမ့်ခဲ့ပါတယ်။ Serbia ကိုတော့ အသာစီးနဲ့ အနိုင်ရခဲ့ပေမယ့် နောက်ဆုံး Greece နဲ့ အဝေးကွင်းပွဲမှာ တစ်ပွဲလုံးနီးပါး အသာစီးရခဲ့တာတောင် 0-0 သရေသာ ကစားနိုင်ခဲ့ပါတယ်။
ဒါပေမယ့် Klopp ရောက်လာပြီးနောက် Germany ရဲ့ ကစားပုံမှာ တိုက်ပွဲဝင်စိတ်၊ ကြံ့ခိုင်မှုပိုင်းနဲ့ Counter-pressing တွေ ပိုမိုမြင်တွေ့လာရပါတယ်။ ကစားသမားရွေးချယ်မှုမှာတော့ Klopp က အပြောင်းအလဲတွေလုပ်ဖို့ ဝန်မလေးပေမယ့် Tactic ပိုင်းမှာ သူ့ရဲ့ 4-3-3၊ Counter-pressing နဲ့ တောင်ပံတွေကနေ လျင်မြန်စွာ တိုက်စစ်ဆင်တဲ့ပုံစံကို ဆက်လက်ကိုင်စွဲထားဖို့ ရှိနေပါတယ်။
၄ ပွဲအတွင်း Klopp က ကစားသမား ၄၄ ဦးအထိ ခေါ်ယူခဲ့ပြီး ၃၆ ဦးကို အသုံးပြုခဲ့ကာ Debutant ၁၀ ဦးအထိ ပါဝင်ခဲ့ပါတယ်။
အထူးသဖြင့် Joshua Kimmich ကို Right-back ကနေ ကွင်းလယ်ကို ပြန်ရွှေ့ခဲ့ပေမယ့် Aleksandar Pavlovic ရဲ့ ခြေစွမ်းကောင်းတွေကြောင့် Kimmich ရဲ့ အနာဂတ်နေရာနဲ့ပတ်သက်ပြီး ဆွေးနွေးစရာအသစ်တွေ ဖြစ်လာခဲ့ပါတယ်။
Klopp လက်ထက် အံ့အားသင့်စရာ အကောင်းဆုံးတွေထဲက တစ်ခုကတော့ Freiburg Right-back Philipp Treu ဖြစ်ပါတယ်။ အသက် ၂၅ နှစ်အရွယ် Treu ဟာ သုံးပွဲအထိ ပွဲထွက်ခွင့်ရခဲ့ပြီး ခြေစွမ်းတည်ငြိမ်ခဲ့တာကြောင့် Germany ရဲ့ ကာလရှည် Right-back ပြဿနာကို ဖြေရှင်းပေးနိုင်မယ့်သူအဖြစ် မျှော်လင့်ချက်ပေးထားပါတယ်။
Florian Wirtz ရဲ့ ခြေစွမ်းပြန်လည်တက်လာခြင်းကလည်း Klopp ရဲ့ အောင်မြင်မှုတစ်ခုဖြစ်ပြီး Greece နဲ့ပွဲမှာ အသက် ၂၃ နှစ်အရွယ် Wirtz က အသင်းခေါင်းဆောင်အဖြစ်တောင် တာဝန်ယူခဲ့ပါတယ်။
Germany ရဲ့ အဓိကပြဿနာကတော့ Centre-forward နေရာပါ။ Kai Havertz ဒဏ်ရာရခဲ့သလို Younes Ebnoutalib၊ Nick Woltemade နဲ့ Jonathan Burkardt တို့လည်း အားရစရာခြေစွမ်း မပြနိုင်ခဲ့ကြပါဘူး။
Germany ဟာ ၄ ပွဲအတွင်း ဂိုးပေါက်ကန်သွင်းမှု ၇၄ ကြိမ်အထိ ရှိခဲ့ပေမယ့် ၃ ဂိုးသာ ရရှိခဲ့ပြီး အဲဒီဂိုးအားလုံးကို ကွင်းလယ်ကစားသမားတွေက သွင်းယူခဲ့တာက Klopp ဖြေရှင်းရမယ့် အဓိကပြဿနာ ဖြစ်လာပါတယ်။
