အာဂျင်တီးနားဘောလုံးအဖွဲ့ချုပ်ဟာ လီယွန်နယ် မက်ဆီ လက်ရွေးစင်ကစားသမားဘဝကနေ အနားယူပြီးနောက် သူ့ရဲ့အထင်ကရ နံပါတ် ၁၀ ဂျာစီကို ဘယ်ကစားသမားကိုမှ ထပ်မပေးဘဲ အပြီးတိုင်အနားပေးဖို့ ဆန္ဒရှိပေမယ့် ဖီဖာရဲ့ စည်းမျဉ်းတွေကြောင့် အကောင်အထည်ဖော်နိုင်မှာ မဟုတ်ပါဘူး။
အသက် ၃၉ နှစ်အရွယ် မက်ဆီဟာ ဩဂုတ် ၃၁ ရက်မှာ လက်ရွေးစင်ကစားသမားဘဝကနေ အနားယူကြောင်း ကြေညာခဲ့ပြီး အောက်တိုဘာ ၆ ရက် ဘီနင်နဲ့ ခြေစမ်းပွဲမှာ အာဂျင်တီးနားပရိသတ်တွေကို တရားဝင်နှုတ်ဆက်သွားမှာ ဖြစ်ပါတယ်။
မက်ဆီဟာ အာဂျင်တီးနားအတွက် ၂၀၇ ပွဲကစားပြီး ၁၂၅ ဂိုးသွင်းယူခဲ့သလို ၂၀၂၆ ကမ္ဘာ့ဖလားမှာလည်း အသင်းကို ဗိုလ်လုပွဲအထိ ဦးဆောင်ပေးခဲ့ပါတယ်။
ဒါပေမယ့် ဖီဖာရဲ့ နိုင်ငံတကာပြိုင်ပွဲ စည်းမျဉ်းအရ အသင်းတွေဟာ ကစားသမားနံပါတ် ၁ ကနေ ၂၆ အထိ သတ်မှတ်အသုံးပြုရတာကြောင့် နံပါတ် ၁၀ ကို အပြီးတိုင်အနားပေးထားဖို့ မဖြစ်နိုင်တာပါ။
နည်းပြ လီယွန်နယ် စကာလိုနီကတော့ မက်ဆီရဲ့ နှုတ်ဆက်ပွဲမပြီးခင် နံပါတ် ၁၀ ကို တခြားကစားသမားတစ်ဦးထံ ပေးသွားမှာမဟုတ်ကြောင်း ပြောထားပါတယ်။ သတင်းတွေအရ နောက်ပိုင်းမှာ နီကို ပါ့ဇ်ဟာ အာဂျင်တီးနားရဲ့ နံပါတ် ၁၀ အသစ် ဖြစ်လာဖို့ ထိပ်ဆုံးက ရေပန်းစားနေပါတယ်။
